Abunəliyinizi aktivləşdirmək üçün aşağıdakı üsullardan istifadə edə bilərsiniz: 1.SMS vasitəsilə:Mobil nömrənizin balansında kifayət qədər vəsait olduğundan əmin olun. Daha sonra 1 yazıb 5666 qısa nömrəsinə SMS göndərin. Abunəliyiniz 5 dəqiqə ərzində aktivləşəcək. 2. Bank kartı vasitəsilə:SMSRadar web sayt və mobil tətbiqində “Kartlarım”bölməsinə daxil olaraq bank kartınızı əlavə edə və abunəlik ödənişini kart vasitəsilə həyata keçirə bilərsiniz.

Salam. Yol Hərəkəti Qaydaları-nın 1 saylı əlavəsinin 3-cü hissəsinə əsasən, xarici işıq cihazlarının miqdarı, tipi, rəngi, yerləşməsi və iş rejimi nəqliyyat vasitəsinin konstruksiya tələblərinə uyğun olmadıqda, həmin nəqliyyat vasitəsinin istismarı qadağandır. Qeyd: İstehsaldan çıxarılmış nəqliyyat vasitələrində başqa marka və modelə məxsus xarici işıq cihazlarının quraşdırılmasına yol verilir. Quraşdırılan lampa avtomobilin elektrik sisteminə və standart tələblərinə uyğundursa, buna görə cərimə tətbiq edilmir. Əks halda, İXM-in 342.2.2-ci maddəsinə əsasən, 150 manat məbləğində cərimə tətbiq edilir və nəqliyyat vasitəsi mühafizə olunan duracağa yerləşdirilir.

Etibarnamə ərə (arvada), uşaqlara, valideynlərə, babaya, nənəyə, nəvəyə, qardaşa və bacıya verilərsə, dövlət rüsumu 10 manat, xidmətə görə tutulan haqq isə 1,50 manat təşkil edir. Etibarnamə digər vətəndaşlara və ya hüquqi şəxslərə verilərsə, dövlət rüsumu 15 manat, xidmətə görə tutulan haqq isə 2,25 manat təşkil edir. Sərəncam hüquqlu etibarnamə ərə (arvada), uşaqlara, valideynlərə, babaya, nənəyə, nəvəyə, qardaşa və bacıya verilərsə, dövlət rüsumu 15 manat, xidmətə görə tutulan haqq isə 2,25 manat təşkil edir. Sərəncam hüquqlu etibarnamə digər vətəndaşlara və ya hüquqi şəxslərə verilərsə, dövlət rüsumu 30 manat, xidmətə görə tutulan haqq isə 4,50 manat təşkil edir.

SMSRadar tətbiqində icbari sığortanın bitmə vaxtı göstərilmir. Bunun səbəbi İcbari Sığorta Bürosunun bu məlumatı digər xidmətlərlə paylaşmamasıdır. İcbari sığortanın qüvvədə olma müddətini dəqiqləşdirmək üçün sığorta şirkətinizə müraciət edə bilərsiniz.

Nəqliyyat vasitəsinin texniki baxışının bitmə tarixinə SMSRadar tətbiqinin Qaraj bölməsində, nəqliyyat vasitəsi haqqında Ümumi məlumat hissəsindən baxa bilərsiniz.

İXM-in 333-1.1-ci maddəsinə əsasən, nəqliyyat vasitəsini idarə etmək hüququ olan şəxs tərəfindən nəqliyyat vasitəsinin narkotik vasitələrin, psixotrop maddələrin və ya güclü təsir edən digər maddələrin istifadəsi nəticəsində sərxoş vəziyyətdə idarə edilməsinə görə 600 manat məbləğində cərimə və 5 cərimə balı tətbiq edilir və ya nəqliyyat vasitəsini idarə etmək hüququ 6 aydan 1 ilədək müddətə məhdudlaşdırılır.

Yol Hərəkəti Haqqında Qanunun 30-cu maddəsinə əsasən, texniki baxışın müddəti başa çatdıqdan sonra 20 gün möhlət verilir. Bu müddət ərzində cərimə tətbiq edilmir. Möhlət müddəti başa çatdıqdan sonra nəqliyyat vasitəsi texniki baxışdan keçirilmədiyi halda, İXM-in 339.1.1-ci maddəsinə əsasən, hər 20 gündən bir 50 manat məbləğində cərimə tətbiq edilir.

İXM-in 332.2-ci maddəsinə əsasən, nəqliyyat vasitəsini idarə etmək hüququ olmadan nəqliyyat vasitəsini idarə etməyə görə 200 manat məbləğində cərimə tətbiq edilir və nəqliyyat vasitəsi mühafizə olunan duracağa yerləşdirilir.

Azərbaycan Respublikası Nazirlər Kabinetinin 2022-ci il 21 yanvar tarixli 18 nömrəli Qərarı ilə təsdiq edilmiş **“Nəqliyyat vasitələrinin şüşələrinə örtüklərin çəkilməsi Qaydası”**na əsasən, nəqliyyat vasitələrinin şüşələrinə plyonka və digər örtüklərin çəkilməsinə müəyyən şərtlərlə icazə verilir. Minik avtomobilləri: Sürücüdən arxa tərəfdə yerləşən yan şüşələrə, yük yerinin yan şüşələrinə və arxa şüşəyə plyonka çəkilməsinə və ya jalüz quraşdırılmasına icazə verilir. Yük avtomobilləri, avtobuslar, mikroavtobuslar, trolleybuslar və tramvaylar: Sürücüdən arxa tərəfdə yerləşən yan şüşələrə, yük yerinin yan şüşələrinə və arxa şüşəyə plyonka çəkilməsinə, jalüz quraşdırılmasına və ya pərdə asılmasına icazə verilir. Lakin sərnişindaşıma fəaliyyətində istifadə olunan avtobuslar və mikroavtobuslar bu istisnaya daxil deyil. Ön şüşə: Nəqliyyat vasitəsinin küləyə qarşı olan ön şüşəsinin yuxarı hissəsində, istehsalçı zavod tərəfindən quraşdırılmış günlüyün hündürlüyü səviyyəsində örtüyün çəkilmə

İcbari sığortanın müddəti başa çatdıqda möhlət verilmir və cərimə dərhal tətbiq edilir. İnzibati Xətalar Məcəlləsinin 469.3-cü maddəsinə əsasən, icbari sığortası olmayan nəqliyyat vasitəsinə görə hər 20 gündən bir 50 manat məbləğində cərimə tətbiq edilir.

Qərarsız cərimə üzrə 1 il müddət nəzərdə tutulur. Bu müddət ərzində cərimə ilə bağlı qərar qəbul edilməlidir. Qərar qəbul edildikdən sonra cəriməni ödəyə bilərsiniz. Əgər 1 il ərzində qərar qəbul edilməzsə, iş üzrə icraata xitam verilir.