1. Ümumi şərtlər
1.1. Bu İstifadəçi Razılaşması (bundan sonra – Razılaşma) istifadəçilər tərəfindən https://www.smsradar.az/ istifadə şərtlərini müəyyən edir.
1.2. Bu Razılaşmanın məqsədləri üçün istifadə edilən bəzi terminlər və ifadələr aşağıdakı mənalarda işlədilmişdir:
1.2.1. Bu Razılaşmanın Tərəfləri — Administrasiya və İstifadəçidir;
1.2.2. Administrasiya — Azərbaycan Respublikasının qanunvericiliyinə uyğun olaraq yaradılmış və qeydiyyatdan keçmiş, Servisin inzibatçılığını həyata keçirən, Servisə dair bütün mülkiyyət hüquqlarının müstəsna sahibi olan Mobilex MMC-dir
1.2.3. İstifadəçi — bu Razılaşmanın şərtlərini qəbul etmiş və Servis xidmətlərindən istifadə edən istənilən fiziki və ya hüquqi şəxsdir;
1.2.4. Servis — İnternet şəbəkəsində https://www.smsradar.az/ ünvanında yerləşdirilmiş İnternet resursu (sayt) olub, müxtəlif əməliyyat sistemləri üzərindən sayta əlavələri və başqa xidmətləri, proqram təminatını, saytın, əlavələrin və başqa xidmətlərin dizaynını, məlumat bazasını, xidmətlərin istənilən bölmə və yarımbölmələrini, həmçinin xidmətlər üzrə Administrasiya və İstifadəçilər tərəfindən yerləşdirilmiş məlumatları əhatə edir;
1.2.5. İstifadəçinin şəxsi məlumatları — İstifadəçi haqqında məlumatlar məcmusu olaraq, onun haqqında fərdi məlumatları, Servisdən istifadə prosesində Administrasiyaya avtomatik olaraq ötürülən məlumatları, o cümlədən IP-ünvanını, cookie-dən məlumatı, İstifadəçinin brauzeri haqqında məlumatları, qeydiyyat zamanı sərbəst və ya Servisdən istifadə prosesində təqdim etdiyi məlumatları, habelə İstifadəçi haqqında başqa məlumatları əhatə edir;
1.2.6. Məlumat — Administrasiya və ya İstifadəçi tərəfindən Servisdə yerləşdirilmiş hər hansı məlumatdır;
1.2.7. Şəxsi kabinet — İstifadəçinin saytda yaradılmış imkandan istifadə edərək yerləşdirdiyi müəyyən məlumatların məcmusudur. Hər bir İstifadəçinin yalnız bir şəxsi kabinetə malik olmaq hüququ var;
1.2.8. Balans — İstifadəçiyə məxsus olmaqla yalnız https://www.smsradar.az/ saytı çərçivəsində ödənişlər üçün istifadə oluna bilən vəsaitlərin qalığının uçotunun aparılması üçün yaradılan hesabdır.
1.2.9. Spam — istifadəçilərin arzulamadığı halda kütləvi göndərilən, icazə verilməyən və (və ya) gözlənməyən reklam, məlumat və ya başqa xarakterli poçt və başqa göndərişlərdir;
1.2.10. Xidmət zərfi — sahibkarlıq fəaliyyəti ilə məşğul olan istifadəçilər üçün xüsusi olaraq yaradılmış, kommersiya baxımından sərfəli olan, əlavə imkanların da daxil edildiyi xidmətlər (müxtəlif bonuslar, endirimlər, güzəştli elanlar) toplusudur. Xidmət zərfi alan İstifadəçi müəyyən üstünlüklər əldə edir. Xidmət zərfi üçün ödənilmiş məbləğ onun aktivləşdirilməsindən sonra geri qaytarılmır;
1.2.11. Endirim — verilmiş elanların yerləşdirilməsi, idarə edilməsi və başqa xidmətlər üçün tətbiq olunan ödənişlərin azaldılmasıdır;
1.2.12. Nəqliyyat vasitəsi (bundan sonra – NV) — bu Razılaşmanın tələblərinə və şərtlərininə uyğun olaraq, barəsində Servisdə elan yerləşdirilən, istənilən növdən və tipdən olan nəqliyyat vasitəsidir.
1.3. Bu Razılaşmada istifadə olunan və "Terminlər və ifadələr" bəndində təsbit edilməyən istənilən termin və ifadələr, bu Razılaşmanın məzmunundan irəli gələn mənaya müvafiq olaraq başa düşüləcək. Bu Razılaşmada istifadə edilən termin və ya ifadənin izah edilməsi barədə fikir ayrılıqları yarandıqda Administrasiya tərəfindən verilən izahdan istifadə ediləcək.
1.4. Servis xidmətlərindən və onun resurslarından istifadə Azərbaycan Respublikasında qüvvədə olan qanunvericiliyin normaları, habelə bu Razılaşma ilə tənzimlənir.
1.5. Bu Razılaşma ictimai ofertadır.
1.6. İstifadəçi Servis xidmətlərindən istifadə etməklə bu Razılaşmaya qoşulmuş sayılır və Servis xidmətlərindən istifadə üzrə təlimatlara riayət etmək şərtlərini və öhdəliklərini qəbul edir.
1.7. Hüquqi şəxs adından Servisdən istifadə halında həmin hüquqi şəxs bu Razılaşmanı və onun şərtlərini qəbul etmiş sayılır.
1.8. Administrasiya istənilən vaxt birtərəfli qaydada bu Razılaşmanın şərtlərini dəyişdirmək hüququna malikdir.
1.9. Administrasiya İstifadəçiyə Servisin xidmətlərindən istifadə etməklə elanların yerləşdirilməsi və axtarışı üzrə xidmətlər təklif edir.
1.10. İstifadəçiyə başqa xidmətlərin verilməsi xüsusi qaydalarla və (və ya) razılaşmalarla tənzimlənə bilər.
1.11. İstifadəçi bu Razılaşmanın şərtləri ilə və ya ona edilmiş əlavə və dəyişikliklərlə razılaşmadığı halda Servisə girişdən imtina etməli, Servisin xidmətlərindən istifadəni dayandırmalıdır.
1.12. İstifadəçi Servisin bütün materiallarının və xidmətlərinin və ya onların istənilən hissəsinin reklamla müşayiət oluna bilməsi barədə müddəanı qəbul edir. İstifadəçi Administrasiyanın belə reklamlarla əlaqədar hər hansı məsuliyyəti daşımaması və hər hansı öhdəliklərinin olmamsı ilə razıdır.
1.13. İstifadəçi üçün Servisdə qeydiyyat könüllüdür.
1.14. Servisdə qeydiyyat halında İstifadəçi Servisin əlavə xidmətlərinə daxil olur. Administrasiya İstifadəçinin qeydiyyat zamanı göstərdiyi məlumatların təsdiqlənməsini və təsdiqləyici sənədləri həmin İstifadəçidən istənilən vaxt tələb etmək hüququna malikdir.
1.15. İstifadəçi öz fərdi parolunu gizli saxlamalıdır. İstifadəçi öz elektron ünvanından və fərdi parolundan istifadə ilə edilmiş hərəkətlərə, habelə öz Şəxsi kabinetində yerinə yetirilən hərəkətlərə görə məsuliyyət daşıyır.
1.16. İstifadəçi Servis xidmətlərindən yalnız öz şəxsi elektron ünvandan və fərdi parolundan istifadə etməklə yararlanmaq hüququna malikdir. İstifadəçidə onun Şəxsi kabinetinə icazəsiz daxil olma haqqında şübhələr olduqda, o öz fərdi parolunu sərbəst dəyişmək hüququna malikdir.
1.17. Administrasiya İstifadəçilər tərəfindən qeydiyyat və (və ya) avtorizasiya zamanı verilən məlumatın düzgünlüyünün yoxlanması üçün xüsusi texniki qərarlardan istifadə etmək hüququna malikdir.
1.18. Administrasiya İstifadəçinin həqiqətən təqdim edildiyi kimi olduğuna, Servisdə qeydiyyat zamanı İstifadəçi tərəfindən verilmiş məlumatın isə doğruluğuna zəmanət verə bilməz.
1.19. İstifadəçiyə bunun üçün Servisin yaratdığı bütün imkanlardan və onun alətlərindən istifadə edərək mümkün kontragentlərlə ünsiyyət saxlamaq tövsiyə edilir.
1.20. Administrasiya İstifadəçinin bu Razılaşmanın şərtlərini pozan xidmətlərinə girişi öz şəxsi mülahizəsi üzrə dayandırmaq hüququna malikdir.
1.21. İstifadəçi tərəfindən başqa şəxslərin hüquqlarının və (və ya) qüvvədə olan qanunvericiliyin pozması halında, habelə Adminstrasiyanın maraqlarına ziyan vurula biləcəyi halda Adminstrasiya İstifadəçinin Servisə girişini məhdudlaşdırmaq və ya dayandırmaq hüququna malikdir.
1.22. Xidmətlərə girişi dayandırılmış və ya məlumatları etibarsız hesab edilmiş İstifadəçi Administrasiyanın xüsusi icazəsi olmadan təkrar olaraq Servisdə qeydiyyatdan keçmək hüququna malik deyildir. Belə İstifadəçinin Servisə və onun xidmətlərinə giriş üçün başqa İstifadəçinin qeydiyyat məlumatlarından istifadə etməsinə də yol verilmir.
2. Servisdən istifadə. Məlumatların yerləşdirilməsi
2.1. Servisin təqdim etdiyi xüsusi formanı doldurduqdan sonra bütün qeydiyyatdan keçmiş və qeydiyyatdan keçməmiş İstifadəçilər Servisdə elanları yerləşdirmək hüququ əldə edirlər.
2.2. İstifadəçi milli və beynəlxalq qanunvericiliyin pozulmasında ifadə olunan, o cümlədən əqli mülkiyyət və onunla əlaqəli digər hüquqları pozan, habelə Servisin normal işinin pozulmasına gətirib çıxaran və ya gətirib çıxara biləcək istənilən əməli (hərəkət və ya hərəkətsizliyi) etməməyi, belə təşəbbüslərdən kənar qalmağı öhdəsinə götürür.
2.3. Servisdə yerləşdirilən elanlar vasitəsilə İstifadəçilər arasında bütün razılaşmalar (sazişlər, müqavilələr və s.) onlar arasında birbaşa bağlanılır, Administrasiya və Servis bu razılaşmaların iştirakçısı və (və ya) vasitəçisi deyildir.
2.4. Administrasiya Servisdə yerləşdirilən elanlar vasitəsilə İstifadəçilər arasında əldə olunan razılaşmalara nəzarət etmir və onlara görə məsuliyyət daşımır.
2.5. İstifadəçinin Servisdəki şərhləri və digər qeydləri qanunvericiliyin tələblərinə və ictimai əxlaq normalarına zidd olmamalıdır.
2.6. Administrasiya İstifadəçi tərəfindən Servisdə olan xarici resurslara girişə və onlardan istifadəyə görə məsuliyyət daşımır, Administrasiya elanların məzmununa, başqa resurslara istinadlara və elanların təsvirində göstərilmiş başqa məlumatlara görə məsuliyyət daşımır.
2.7. Administrasiya İstifadəçi tərəfindən verilmiş elanları və məlumatları dərc etmək hüququna malikdir. Bu hüququn həyata keçirilməsi üçün İstifadəçi Administrasiyaya həmin elanlar və məlumatlar barəsində hər yerdə qüvvədə olan, müddətsiz, qaytarılmaz, qeyri-müstəsna istifadə, yayılma, nəşr, yığım, işlənmə, nümayiş, surət çıxarma, təkrarlama hüququnu, məlumatların, təsvirlərin, şəkillərin, video və audio materialların, məlumat bazalarının, nəşrlərin, müəllif və əqli mülkiyyət hüquqlarının, habelə İstifadəçi tərəfindən bütün məlum olan və ya məlum olmayan məlumat daşıyıcılarında istənilən başqa məlumatın yenidən emalı hüququnu verir. Sadalanan hüquqlar Administrasiyaya pulsuz verilir. İstifadəçi Servisin bütün İstifadəçilərinə özü tərəfindən yerləşdirilmiş məlumatlara girişə hüquq verir. Bununla belə, İstifadəçi Servisdə onun tərəfindən yerləşdirilmiş materiallara əqli mülkiyyət hüquqlarına malikdir.
2.8. Administrasiya və Servis İstifadəçi tərəfindən hər hansı məlumatların verilməsi ilə əlaqədar üçüncü şəxslərin hüquqlarının pozulmasına görə məsuliyyət daşımır.
2.9. İstifadəçi Servisin təlimatlarına uyğun olaraq elanları yerləşdirməyə, satışa təklif etdiyi NV və onun satılması şərtləri haqqında etibarlı və tam məlumat verməyə borcludur.
2.10. İstifadəçi elanda göstərilmiş NV haqqında məlumatı yoxlamalı, yanlış və ya tam olmayan məlumatlar aşkar etdikdə həmin məlumatları düzəltməli və ya tamamlamalıdır.
2.11. NV-yə dair elanı yerləşdirən İstifadəçi həmin elanda göstərdiyi hərəkətləri bu NV barəsində həyata keçirmək hüququna malik olmalıdır.
2.12. İstifadəçi Servisdə elanlarda verdiyi məlumatların yerləşdirilməsi üçün bütün hüquqlara, habelə bunun tələb olunduğu halda lisenziyalara və icazələrə, patent hüququna, əmtəə nişanından istifadə hüququna, eləcə də kommersiya sirri təşkil edən məlumatı almaq, əqli mülkiyyət hüquqlarından istifadə etmək üçün yazılı razılığa və ya üçüncü şəxslərin onların adlarından, təsvirlərdən və ya başqa obyektlərdən istifadə üçün icazəsinə malik olmalıdır.
2.13. Servis İstifadəçinin yerləşdirdiyi elanda bəhs etdiyi NV barəsində ondan əlavə məlumatı və (və ya) İstifadəçi tərəfindən verilmiş məlumatları təsdiqləyən sənədləri tələb etmək hüququna malikdir. Servis belə sənədlərin və ya məlumatların verilməsinə qədər həmin elanın yayımını saxlamaq hüququna malikdir.
2.14. İstifadəçi Servisdə barəsində elan yerləşdirdiyi istənilən NV-ni Servisdən istifadə qaydalarına riayət etmək şərtilə satmaq hüququna malikdir.
2.15. Servis bütün İstifadəçilərə göstərilən xidmətlərin yüksək keyfiyyətini saxlamaq üçün Servisdə İstifadəçinin aktiv elanlarının miqdarını məhdudlaşdırmaq, həmçinin Servisdə İstifadəçinin hərəkətlərini məhdudlaşdırmaq hüququna malikdir.
2.16. İstifadəçi nəzərə almalıdır ki, Servisdə yerləşdirdiyi elanda NV-nin təsviri bu NV-nin satış şərtlərindən biridir.
2.17. NV-nin elanda göstərilmiş təqdim olunma və (və ya) satış şərtləri, NV-nin təsviri, habelə elanın başqa şərtləri elanın yerləşdirildiyi vaxt və elanın Servisdə olduğu vaxt qüvvədə olan qanunvericiliyə və bu Razılaşmaya uyğun olmalıdır.
2.18. Servisdə yerləşdirilən elanın hər hansı şərti qanunvericiliyə və ya bu Razılaşmaya dəyişikliklərin daxil etməsi nəticəsində qanunvericiliyə və (və ya) bu Razılaşmaya uyğun olmayan hesab edilsə, belə şərtlərə və ya belə elana İstifadəçi tərəfindən həmin uyğunsuzluğu aradan qaldıran dəyişikliklər edilməlidir. Belə vəziyyət yarandıqdan sonra uyğun olan dəyişikliklərin daxil edilməsi mümkün olmadıqda, həmin elan və (və ya) şərt İstifadəçi tərəfindən silinməlidir. Bu bənddə göstərilmiş vəziyyətin yaranması halında Administrasiya belə elanlara və (və ya) şərtlərə düzəliş etmək və ya onları silmək üzrə hərəkətləri İstifadəçiyə ilkin xəbərdarlıq etmədən həyata keçirmək hüququna malikdir.
2.19. Yayılması qanunvericiliyi pozan, ictimai əxlaq normalarına zidd olan, təhqiredici və ya yersiz elanların, həmçinin üçüncü şəxslərin hüquqlarını pozan elanların Servisdə yerləşdirilməsi qadağandır. İstifadəçi əmin olmalıdır ki, verdiyi təklif qüvvədə olan qanunvericiliyin və bu Razılaşmanın şərtlərini pozmur.
2.20. Ödənişli xidmətlərdən istifadə bu Razılaşmanın pozulması halında elanın Administrasiya tərəfindən bloklanmayacağına zəmanət vermir. Elanların yerləşdirilməsi qaydalarının pozulması halında xidmətlərə görə ödənilən pul vasitələri qaytarılmır.
2.21. Elanda satış, istifadə haqqında təklifləri və ya mallar və xidmətlər haqqında başqa məlumatı saxlayan internet-saytların səhifələrinə istinadlar qoymaq qadağandır.
2.22. İstifadəçi aşağıda göstərilənlər tərəfindən təqdim edilən xidmətləri dəstəkləməməyi və onlar haqqında məlumatları yaymamağı öhdəsinə götürür:
2.22.1. başqa ticarət platformaları, internet-hərracları və (və ya) internet mağazaları tərəfindən;
2.22.2. Servisdə həmin və ya daha az ödənişlə təqdim edilmiş malları və xidmətləri təklif edən başqa xidmətlər tərəfindən;
2.22.3. Servisdə satışa qadağan edilmiş malları və xidmətləri təklif edən başqa xidmətlər tərəfindən.
2.23. Administrasiyanın yazılı icazəsi olmadan İstifadəçi Servisə girişin alınması üçün avtomatik proqramlardan istifadə etməməyi öhdəsinə götürür. Elanların yerləşdirilməsinin adi sırasını keçərək elanları yerləşdirməyə icazə verən kompüter proqramlarından istifadə Administrasiyanın yazılı icazəsi olmadığı halda qadağandır.
2.24. İstifadəçi aşağıdakıları öhdəsinə götürür:
2.24.1. Servisin infrastrukturunu ciddi yüklənməyə gətirib çıxara bilən heç bir hərəkətə cəhd etməməyi;
2.24.2. Administrasiyanın ilkin yazılı icazəsi olmadan Servisdə olan hər hansı məlumatı köçürməməyi, təkrar etməməyi, dəyişdirməməyi, yaymamağı və ictimaiyyətə təqdim etməməyi;
2.24.3. Servisə girişi çətinləşdirmək və ya məhdudlaşdırmaq məqsədi ilə Servisin işinə mane olmamağı, həmçinin avtomatik sistemlərin və ya proseslərin hərəkətinə mane olmamağı.
2.25. İstifadəçinin Servisdə hərəkətləri və onun tərəfindən verilmiş məlumatlar aşağıdakılardan ibarət olmamalıdır:
2.25.1. yanlışlıq, qeyri-dəqiqlik və ya aldatma;
2.25.2. dələduzluğa, aldatmağa və ya etimaddan sui-istifadəyə imkan və ya şərait yaratma;
2.25.3. oğurluq, yaxud qanunsuz yolla əldə edilmiş və ya saxta əşyalarla sazişlərin bağlanmasına aparma;
2.25.4. digər şəxsin mülkiyyət hüququnu pozma və ya onun kommersiya sirrini və ya onun şəxsi həyatın toxunulmazlığı hüququna qəsd etmə;
2.25.5. özündə kiminsə şərəfini, ləyaqətini və ya işgüzar nüfuzunu pozan məlumatları saxlama;
2.25.6. özündə hər hansı şəxsə qarşı böhtan və ya təhqirləri saxlama;
2.25.7. cinayətin törədilməsinə çağırma, həmçinin milli və ya irqi düşmənçiliyi qızışdırma;
2.25.8. terrorçuluğa və ya ekstremist fəaliyyətə çağırma, bunlara imkan yaratma, onları dəstəkləmə;
2.25.9. qeyri-etik və ya pornoqrafiya xarakteri daşıma;
2.25.10. özündə kompüter viruslarını saxlama, habelə ziyan vurulmasına, icazəsiz müdaxiləyə, gizli ələ keçirməyə və ya istənilən sistemin məlumatlarının və ya sistemin özünün, yaxud onun hissəsinin və ya fərdi və ya başqa məlumatların (Servisin məlumatları da daxil olmaqla) mənimsənilməsinə yönəlmiş başqa kompüter proqramlarını saxlama;
2.25.11. özündə reklam xarakterli materialları saxlama;
2.25.12. digər şəxslərin əqli mülkiyyət hüquqlarını, şəxsi həyata dair hüququnu və başqa şəxsi hüquqlarını pozma;
2.25.13. qanunvericiliyi başqa üsulla pozma.
2.26. Servis və (və ya) İstifadəçi tərəfindən qanunvericiliyin pozulmasına gətirib çıxara biləcəyi hallarda İstifadəçiyə Servisdə elanları yerləşdirmək, Servisdə xidmətlərdən istifadə etməklə müqavilələr bağlamaq və ya icra etmək qadağan edilir.
2.27. Administrasiya Servisdə barəsində elan yerləşdirilmiş NV-ni, həmin NV barəsində elan verilməsi zamanı İstifadəçi tərəfindən göstəriləndən fərqli üsulla reklam etmək hüququna malikdir.
2.28. Administrasiya Servisdən asılı olan səbəbdən və ya ayrıca səbəblərdən istənilən elanın nümayiş müddətlərinin yerini dəyişdirmək, bu müddəti dayandırmaq, bitirmək və ya uzatmaq hüququna malikdir.
2.29. Administrasiya bu Razılaşmada göstərilən qaydaların pozulması səbəblərindən, habelə başqa İstifadəçilərin hüquqlarının və ya qanunvericiliyin pozulması səbəblərindən, yaxud hər hansı başqa əsaslı səbəblərdən istənilən vaxt istənilən elanın nümayişini dayandırmaq hüququna malikdir.
2.30. Administrasiya elanlara düzəliş etmək, onları başqa rubrikalara keçirmək, habelə İstifadəçilərin elanları ilə istənilən başqa hərəkətləri etmək hüququna malikdir.
2.31. Administrasiya elanların yerləşdirilməsindən (nümayişindən) imtina etmək hüququna malikdir.
2.32. Elanın rəsmiləşdirilməsinə dair tələblər Servisdə elanların dərc edilməsi qaydalarında Saytın qaydaları bölməsində nəzərdə tutulur.
2.33. İstifadəçi qüvvədə olan qanunvericiliyə əsasən elanların məzmununa görə tam və fərdi məsuliyyəti daşıyır.
3. Ödənişli xidmətlər
3.1. İstifadəçilər Servisdə ödənişli xidmətlər sifariş edə bilərlər.
3.2. Ödənişli xidmətlərin növləri bunlardır:
• Axtarışda irəli çıxarma: Bu xidmət “SMS Radar”da elanın effektivliyini artırır, baxış sayını yüksəldir və onu axtarış nəticələrində daha yuxarı mövqelərə gətirir. Elanların sıralanması müxtəlif parametrlərə əsaslanır: yerləşdirilmə tarixi, uyğunluq, xidmət tətbiqi və s. Bu xidmət birdəfəlik tətbiq olunur və elanı yeni yerləşdirilmiş kimi göstərir. Əgər elan aktivdirsə, xidmət yalnız görünürlüyünü artırır. Əgər elan deaktiv olubsa, xidmət onu yenidən aktivləşdirə və aktivlik müddətini uzada bilər. Xidmət 5 dəqiqəlik intervalla dəfələrlə sifariş edilə bilər.
• VIP elan: “VIP” xidməti sayəsində elanınız “SMS Radar” platformasında VIP-bloklarda (saytın ana səhifəsində, axtarışda və kateqoriyalarda) təsadüfi ardıcıllıqla yerləşdirilir və daha çox görünürlük əldə edir. VIP-blokda eyni anda bir neçə elan göstərilir. Hər VIP günündə sistem avtomatik olaraq elana 1 dəfə “Axtarışda irəli çək” xidməti tətbiq edir. Əgər elan müddəti VIP xidməti aktiv olan müddətdən əvvəl bitirsə, elan avtomatik uzadılır. Əgər elan deaktiv olunubsa, xidmət vasitəsilə bərpa edilir.
• Premium elan: “Premium” xidməti elanı “SMS Radar” saytının ana səhifəsində Premium-blokda yerləşdirir. Bu blokda yer alan elanlar aktivlik müddətləri ərzində orada qalır. Premium xidməti ilə elanınıza gündəlik olaraq “VIP” və “Axtarışda irəli çək” xidmətləri də əlavə edilir. Əgər elan müddəti Premium xidmətindən əvvəl bitərsə, sistem tərəfindən avtomatik uzadılır. Elan artıq deaktiv olubsa, Premium xidməti ilə bərpa olunur.
• Elan limiti: “SMS Radar” platformasında individual istifadəçilər üçün 30 gün ərzində 1 pulsuz elan yerləşdirmək imkanı var. Limit bitdikdən sonra elanların yerləşdirilməsi yalnız ödənişli şəkildə mümkündür. Biznes hesab sahibləri üçün bütün elanlar ödənişlidir. Limit aşağıdakı hallarda istifadə olunmuş sayılır: Elan yerləşdirildikdə, Elan silindikdə, Elan bloklandıqda və ya qəbul olunmadıqda, Elan bərpa olunduqda.
• Təkrar elan: 90 gün ərzində eyni və ya bənzər nəqliyyat vasitəsinin yalnız bir pulsuz elanı yerləşdirilə bilər. Təkrar yerləşdirmə üçün bu xidmət tətbiq olunmalıdır. Əks halda sistem eyni və ya oxşar elanı qəbul etməyəcək və ya bloklayacaq. Başqa nömrə ilə belə eyni vasitə yerləşdirilə bilməz. Yeni elan yalnız bu xidmətlə dərc olunur, əvvəlki isə qəbul edilmir.
• Elanın bərpası: Bu xidmət yalnız müddəti bitmiş və ya silinmiş elanlara tətbiq olunur. Elan yenidən aktiv edilir və 30 gün müddətinə uzadılır.
• Elanın bərpası zamanı: Elanın baxış sayı sıfırlana bilər, Elana düzəliş etmək mümkündür, Bir dəfə “Axtarışda irəli çək” xidməti əlavə olunur, Düzəliş edilmiş elan yoxlamadan keçməlidir. Yoxlamadan sonra elan saytda dərc olunur.
3.3. Xidmətlərin qiymətləri, həmçinin ödənişli xidmətlərin sifariş qaydası Servisin müvafiq səhifələrində göstərilmişdir.
3.4. Servisin xidmətlərinə görə ödəniş etmiş İstifadəçi ödədiyi vəsaitlərin qaytarılması xahişi ilə Administrasiyaya müraciət etmək hüququna malikdir. Bu vəsaitlərin qaytarılması və ya imtina haqqında qərar birtərəfli qaydada Administrasiya tərəfindən qəbul edilir.
3.5. Administrasiya aşağıdakı hallarda pul vasitələrinin İstifadəçiyə qaytarılmasından imtina etmək hüququna malikdir:
3.5.1. İstifadəçi bu Razılaşmanın şərtlərini müntəzəm olaraq pozduqda;
3.5.2. Xidmət aktivləşdirilmiş olduqda, habelə elan moderasiyadan sonra silinmiş olduqda;
3.5.3. ödəmə sistemində hər hansı nasazlıqlar yarandığı hallarda. Belə hallarda pul vəsaitlərinin qaytarılması məsələsinə fərdi qaydada baxılır. İstifadəçilərin Servis xidmətlərini ödədiyi ödəmə sistemlərinin işinə görə Servis məsuliyyət daşımır;
3.5.4. Administrasiyanın əsaslandırılmış qərarına əsasən digər hallarda.
3.6. Pul vəsaitlərin qaytarılması məsələsi Administrasiya və İstifadəçi arasında hər bir konkret hal üçün ayrıca baxılır və həll edilir.
3.7. Geri qaytarılmalı olan pul vəsaitləri 30 gün ərzində istifadəçinin hesabına köçürülür.
4. Əlaqələr
4.1. Administrasiya İstifadəçilərin elektron poçt ünvanlarına və ya telefon nömrələrinə elektron məktublar və (və ya qısa) xəbərlər (SMS mesajları) göndərmək hüququna malikdir.
4.2. Servisin mesajları Servisdə dərc edilə bilər.
4.3. İstifadəçi ona göndərilən belə məktublarda və mesajlarda hər hansı məhdudlaşdırılma olmadan başqa İstifadəçilərdən müqavilə bağlanmasına dair təkliflər, başqa bu tipli məlumatlar və (və ya) reklam xarakterli mesajlar ola bilməsi ilə razılaşır.
4.4. İstifadəçi onun elektron poçt ünvanına və ya telefon nömrəsinə göndərilən mesajların ayrı-ayrı hissələrinin reklam xarakterinə malik ola bilməsi, eləcə də onlara reklam xarakterli ayrıca mesajlar göndərilə bilməsi ilə razılaşır.
4.5. Servisdə dərc edilmiş mesajlar onların dərc edildiyi anadan İstifadəçiyə çatdırılmış hesab edilir.
4.6. Administrasiya İstifadəçilərin bir-birinə mesajlar göndərməsinə və (və ya) Servisdə mesajların forma üzrə yerləşdirilmiş avtomatlaşdırılmış sistemlərlə (robotlarla) göndərilməsinə görə məsuliyyət daşımır.
4.7. Administrasiya Servisin səhifələrində İstifadəçi tərəfindən yerləşdirilmiş telefon nömrələrindən və elektron ünvanlardan başqa İstifadəçilər və (və ya) robotlar tərəfindən istifadəyə görə məsuliyyət daşımır.
4.8. İstifadəçi təsdiqləyir ki, Administrasiya İstifadəçilərə məktub və mesajlar göndərmək məqsədləri üçün onların elektron poçt ünvanlarını və telefon nömrələrini üçüncü şəxslərə vermək hüququna malikdir.
4.9. İstifadəçinin Administrasiya və ya Servisin moderatorları ilə yazışması Servisdə göstərilən elektron poçt qutusunun (ünvanının) köməyi ilə həyata keçirilir.
4.10. İstifadəçiyə Servisdə moderatorların və Administrasiyanın hərəkətləri haqqında şərhlər və başqa yazılar qoymağa, bu barədə müzakirələr aparmağa icazə verilmir.
4.11. İstifadəçi Servisə müvafiq sorğu göndərərək, öz telefon nömrəsinə və ya elektron ünvana mesajların göndərilməsindən istənilən vaxt imtina edə bilər.
5. Proqram təminatı
5.1. Administrasiya saytın yerləşdirildiyi domen adının, saytın özünün, mobil əlavələrin, həmçinin bütün Servis və Servisin bütün proqram təminatının mülkiyyətçisidir.
5.2. Proqram təminatının yükləməsi zamanı Administrasiya İstifadəçiyə proqram təminatından istifadə üçün şəxsi pulsuz adi icazə verir, lakin onun üçüncü şəxslərə verilməsi qadağandır.
5.3. Servisin funksiyalarına və təyinatına uyğun olaraq, belə icazə İstifadəçiyə yalnız Servisin xidmətlərindən istifadə imkanının verilməsi və onlardan faydalanmaq üçün nəzərdə tutulmuşdur.
5.4. Administrasiyaya (o cümlədən proqram təminatına) məxsus olan əqli mülkiyyəti obyektlərinin surətinin çıxarılması, dəyişdirilməsi, paylaşılması, satılması (özgəninkiləşdirilməsi), mübadiləsi və ya tamamilə və ya onun hər hansı hissəsinin icarəyə verilməsi, habelə Administrasiyanın yazılı icazəsi olmadan proqram təminatının mənbə kodunun "sındırılması" və ya alınmasına cəhd edilməsi qadağandır.
6. Məsuliyyətin məhdudlaşdırılması
6.1. İstifadəçi tərəfindən Servisdə bütün məlumatlar (o cümlədən şəxsi məlumatlar) onun NV-nin satılması (özgəninkiləşdirilməsi) üçün özü tərəfindən yerləşdirilir.
6.2. İstifadəçi özü haqqında bu və ya digər məlumatları yalnız öz maraqları üçün, o cümlədən digər İstifadəçi ilə əlaqənin qurulmasının sadələşdirilməsi və (və ya) İstifadəçinin eyniləşdirməsi üçün yerləşdirir.
6.3. İstifadəçi özü haqqında məlumatları yerləşdirərkən belə məlumatların Servisdə hamı üçün açıq giriş olan vəziyyətdə yerləşdirildiyi, yəni bu məlumatların istənilən müştəriyə və ya Servisin İstifadəçilərinə açıq olması ilə razılaşır.
6.4. İstifadəçi məlumatların belə yerləşdirilməsi ilə bağlı bütün riskləri, o cümlədən aşağıdakı riskləri hər hansı məhdudlaşdırılma olmadan qəbul edir: spam mesajlarının göndərilməsi üçün siyahılara elektron poçt ünvanının düşməsi riskini; elektron poçt ünvanının müxtəlif növ dələduzlara məlum olması riskini; telefon nömrəsinin SMS-spamerlərə və (və ya) SMS-dələduzlara düşməsi riskini; məlumatların belə yerləşdirməsindən irəli gələn başqa riskləri.
6.5. Servis və Administrasiya elan edilmiş NV barəsində müqavilə və sövdələşmələrin təşkilatçısı, vasitəçisi, alıcısı və ya satıcısı deyildir.
6.6. Servis İstifadəçilər tərəfindən müqavilələrin bağlanmasına və icrasına, müqavilələrin bağlanması nəticəsində vurulmuş ziyana, əldən çıxmış faydaya, gəlirlərə, maliyyə zərərlərinə və ya dolayı, faktiki, kənar və ya cərimə zərərlərinə, habelə hər hansı şəxsin qanunsuz əməlləri nəticəsində zərər görə məsuliyyət daşımır.
6.7. İstifadəçi Servisin xidmətlərindən istifadə edərək razılaşır ki, Servisdən istifadənin məsuliyyəti özünün üzərinə düşür və Servisdə yerləşdirilmiş elanların istifadəsi ilə bağlı bütün riskləri özü daşıyır.
6.8. Servis İstifadəçilərə satışına (özgəninkiləşdirilməsinə) və (və ya) əldə edilməsinə qanunla, bu Razılaşma ilə və Servisdən istifadənin başqa qaydaları ilə icazə verilmiş mallar (əşyalar) barəsində elanları yerləşdirmək imkanı verən alətdir.
6.9. Servis İstifadəçilər tərəfindən yerləşdirilmiş elanları hər zaman yoxlamaq öhdəliyi daşımır və buna görə də keyfiyyət, təhlükəsizlik, qanunilik və NV-nin onun təsvirindəkinə uyğunluğu, habelə satıcının NV-ni satmaq və alıcısının onu əldə etmək imkanı Servisin nəzarətindən kənardadır.
6.10. Servis İstifadəçilər tərəfindən elanlarda yerləşdirilən məlumatların etibarlılığına və mötəbərliyinə nəzarət etmək öhdəliyinə malik deyil.
6.11. Administrasiya və Servis, onların rəhbər şəxsləri və əməkdaşları Servisdə yerləşdirilmiş elanların məzmununa, həmçinin onların etibarlılığına və mötəbərliyinə görə heç bir məsuliyyət daşımırlar.
6.12. Administrasiya və Servis, onların rəhbər şəxsləri və əməkdaşları üçüncü şəxslərdən gələn istənilən məlumatların (o cümlədən, İstifadəçilərin poçt qutusuna və (və ya) mobil telefona daxil olan məlumatların) məzmununa görə, habelə İstifadəçilərin əlaqə məlumatlarının üçüncü şəxslər tərəfindən istifadəsinə görə heç bir məsuliyyət daşımırlar.
6.13. İstifadəçi Servisdə elanın yerləşdirilməsi faktının hər hansı NV-nin təklif edilməsinin, onun satılmasının və (və ya) əldə edilməsinin həqiqi və qanuni olmasının zəmanəti olmadığı ilə razılaşır. Müqavilənin bağlanması və icrası barədə qərarı İstifadəçi sərbəst olaraq qəbul edir.
7. Razılaşmanın qüvvəsi
7.1. Bu Razılaşma Servisdə İstifadəçinin qeydiyyatı və ya elanın yerləşdirilməsi faktından asılı olmayaraq, İstifadəçi tərəfindən Servisin xidmətlərindən istifadəsinin başlandığı andan qüvvəyə minir və müddətsiz olaraq qüvvədədir.
7.2. İstənilən vaxt İstifadəçi Servisin xidmətlərindən istifadə hüququnu dayandırmaq hüququna malikdir. Bundan sonra İstifadəçi yeni elanlar yerləşdirmək hüququnu itirir.
7.3. Servis öz mülahizəsinə əsasən İstifadəçinin girişini dayandırmaq hüququna malikdir. Xidmətlərə girişi dayandırılan və ya məlumatları həqiqi olmayan İstifadəçi Administrasiyanın xüsusi icazəsi olmadan Servisdə təkrar qeydiyyatdan keçmək hüquqlarına malik deyildir. Belə İstifadəçi Servisə giriş üçün başqa İstifadəçinin qeydiyyat məlumatlarından istifadə etmək hüquqlarına malik deyildir.
8. Digər şərtlər
8.1. Bu Razılaşmanın və Servis xidmətlərinin həyata keçirilməsi zamanı yaranan mübahisələr qanunvericiliyə uyğun olaraq həll edilir. Mübahisələrin yarandığı halda bu Razılaşmanın tərəfləri onları danışıqlar yolu ilə həll etməyə üstünlük verirlər.
8.2. Yaranan bütün mübahisələrin həlli ilə bağlı Azərbaycan Respublikasının qanunvericiliyi tətbiq edilir.
8.3. Servis birtərəfli qaydada və İstifadəçilərə bildirmədən bu Razılaşmaya dəyişiklik etmək hüququna malikdir. Bu Razılaşmaya edilən dəyişikliklər və bu Razılaşmanın yeni redaksiyası Servisdə dərc edildiyi tarixdən qüvvəyə minir.
8.4. Bu Razılaşmanın heç bir müddəası İstifadəçi və Administrasiya arasında agent münasibətlərinin, birgə fəaliyyət üzrə münasibətlərin, əmək münasibətlərinin və bu Razılaşma ilə birbaşa nəzərdə tutulmamış hər hansı digər münasibətlərin müəyyən edilməsi kimi anlaşıla və izah edilə bilməz.
8.5. Məhkəmə tərəfindən bu Razılaşmanın hər hansı müddəasının etibarsız və ya icrası məcburi olmayan hesab edilməsi bu Razılaşmanın başqa müddəalarının etibarsız olması ilə nəticələnmir.
8.6. Bu Razılaşmanın hər hansı müddəasının İstifadəçi tərəfindən pozulması halında Administrasiyanın tərəfindən fəaliyyətsizlik göstərməsi (buna reaksiya verməməsi) daha sonra Administrasiyanı öz maraqlarının və hüquqlarının müdafiəsinə uyğun olan hərəkətləri etmək hüququndan məhrum etmir.
8.7. İstifadəçilər arasında, habelə İstifadəçi ilə Administrasiya arasında yaranan münasibətlərlə bağlı bu Razılaşma ilə nəzərdə tutulmamış bütün digər şərtlər və şəraitlər qanunvericiliyə, formalaşmış təcrübəyə və işgüzar adətlərə uyğun olaraq fərdi qaydada nizama salınır.
İstifadəçi bu Razılaşmanın bütün bəndləri ilə tanış olduğunu və onları şərtsiz olaraq tam həcmdə qəbul etdiyini təsdiqləyir.
Əlavələr:
İstifadəçi Razılaşmasına dair Əlavə № 1
